Шигдээд л хэвтээд л байх
Залхуурлыг залагч
Буйдангаа гаргаж хаях минь
Шимтээд л, гөлрөөд л байх
Гажуудлыг уригч
Телевизээ хага цохих минь
Шимээд л тамшаалаад  байх
Хоосон баясгагч
Дарсаа бүгдийг асгах минь
Шийдлээ гүйцээ
Би өөр хүн болно
Маргааш

2010 /Маргаашад дуртайд зориулав/

Үл таних

Давалгаат далай шиг
Гүн цэнхэр харцнаас
Зугтаж эс чадаад час улайв

* * * * * * *

Үйлийн үр минь

Хүний зовлон жаргал дунд
Дэнсэлсээр, дэнсэлсээр
Сэтгэл холбирох

* * * * * *

2010-12-29

Өмнөхөн дэлгээтэй цагаан цаас
Миний хязгааргүй оршихуй юм
Захгүй холоос бодлоо шүүрдэж энд эмжихдээ
Зарлиггүй вант улсын эзэн шиг
Залуургүй хөлгийн ахмад шиг аяглах сайхан
Өлгөөтэй цагны хэмнэлт дуу
Миний хязгаарын хил юм
Захгүй холоос харвасан оддыг түүн
Зассан алмааз болгож
Зам татуулан шигтгэж суух сайхан

2010

Гилбэр хатны сүйжин гоёлд дарагдаагүй
Гэзэгт эрийн ээрсэн харцанд унаагүй
Гол нутаг алгасан хэлцэгдсэн
Гоо үзэсгэлэнт байсиймаа
Гүний хошуугаар шагшсан
Цуутай хүүхэн гэсиймаа
Эр гэсэн бүхэн харахаар
Ээлж дараагүй ирдэг гэнэ
Элдэв арга хэрэглэн
Эхнэрээ болгохоор санаархдаг гэнэ
Сайхныг нь харамлаагүй хэрнээ бурхан
Сайн заяаг нь дутаав уу
Санаа алдам гоо бүсгүй
Санаашрах өвчин тусчээ
Хажиг мал шиг болоод
Хүнээс дөлдөг болсон гэнэ
Харцны гал нь унтраад
Хагас ухаантай болжээ
Эмч домч илээч бариач
Эдгээх аргаа баржээ
Эрлэгт нь тушаах шинжтэй
Эцэстээ гайхшаа тасарчээ
Буг чөтгөртэй ч холбон
Бузгай жийрхэх болцгоов
Буу...

 Өвлийн харц

Цас нэвсийчихэж
Чамруу  шидлэхсэн
Инээдийг чинь сонсох гэж

 Хаврын харц

Зүггүй салхи
Хормой сөхөхөд
Зэрвэс харсан залуу эг маг

Зуны харц

Хурдан тайч гэх шиг
Хурц нар шарна
Хаана нуугдах вэ

Намрын харц

Гүзээлзгэний шүүс
Навчсыг норгох нь
Шүлс асгарам

2010-12

Цуцталаа эрсээр
Намайг олчихсон нутгийн салхи
Агьны үнэрээр нулимс арчиж угтахад
Намхан хөх уулс минь
Аавын буурьтай дүнхийж
Наранд онгосон тал минь
Цээжээ дэлгэж тослоо
Хөх тогоруу шиг л
Завхан голд өнждөгсөн
Хөлбөрч эрхэлсэн
Элсэн толгод хэвээрээ
Үйрмэг цагаан чулуу
Хөл гижигдэн гялтаганахад
Хоёр настайнх шигээ
Ход ход инээмээр

2010
...

 
Салхиан хүртэл аргадаж шүлэглэдэг найрагч
Сайртай энгэрээ ч үлдээлгүй магтахад
Жанцанноровын хуурын хөх аялгуу
Жолоо цулбуургүй цээж өгсөж асахад
Зүрхний урсгал хөг нийлэн цохилж
Зөвхөн энэ нутагт төрсөн заяагаа адисладаг аа
Хүлэг морьдынхоо хөх хомоолоор
Хүж тан, хорын ерөндөг ч үүсгэж
Хүй газраа ариутган шүүдэг
Хэрсүү хөх хөгшидтэй миний Монголд
Хорин тавтай эх орончдын омголон хөх сүнс
Холхиос эргэж харьтаныг аюутган уухайлсаар
Богд олон хайрхануудын хөх сүүдэр дор
Бошиг хуулийг чандлах удган харуул моднууд
Босоо бичиг шиг гээгдсэн ч үйгдэлгүй
Бохир сэтгэлийг шийтгэн хөхийсөөр л.
Огт оргүйн амгалан ид...

Салхиан хүртэл аргадаж шүлэглэдэг найрагч
Сайртай энгэрээ ч үлдээлгүй магтахад
Жанцанноровын хуурын хөх аялгуу
Жолоо цулбуургүй цээж өгсөж асахад
Зүрхний урсгал хөг нийлэн цохилж
Зөвхөн энэ нутагт төрсөн заяагаа адисладаг аа
Хүлэг морьдынхоо хөх хомоолоор
Хүж тан, хорын ерөндөг ч үүсгэж
Хүй газраа ариутган шүүдэг
Хэрсүү хөх хөгшидтэй миний Монголд
Хорин тавтай эх орончдын омголон хөх сүнс
Холхиос эргэж харьтаныг аюутган уухайлсаар
Богд олон хайрхануудын хөх сүүдэр дор
Бошиг хуулийг чандлах удган харуул моднууд
Босоо бичиг шиг гээгдсэн ч үйгдэлгүй
Бохир сэтгэлийг шийтгэн хөхийсөөр л.
Огт оргүйн амгалан и...

Ганц цас халааслаад
Гадна чинь ирээд дуудмаар
Гайхуулахаа олж ядав би.

* * * * * * * * * *

Жижигхэн шувуу тонголзон
Цасан дундаас үйрмэг ялгана
Залуу зохиолч аятай

* * * * * * * * *

Тансаг цагаан хээгээр
Дурлалын захиа илгээж
Цонхон дээр минь өвөл зогсоно.

2010-12

Чинадаас хун цагаан морьтон
                                    газар дайвалзуулж айсуй
Хул шар хүүхэн мөлхөж сөгдөн угтав
Цан хүйтэн дээлээ зочин тайлж
Чимээгүй ноёрхол дунд гүнцэг барихаар тухлав
Өвч хуяг дуулгаар нь гунигт бүсгүй гоёод
Өдөн цагаан хөнжлөөр гэр юугаа хучаад
Хурц оддын дор хайрын үлгэр шивнэсээр
Хөлөгт баатартай гүн нойронд автав
Найрсаг нар нэгэн өглөө ханзарсан
                             хөнжлийн завсраар шагайхад
Нялх яргуй өндийж тэд тийш явсан гээд
Тэнгэр өөд биш доошоо заалаа
Тэдний үр нь би хэмээн инээмсэглэлээ

                  2010 -12

...